,

Utstillarliste 2019

Her er utstillarliste for Matamål 2019

 

Frukt og grønt
Gardsbrenneriet
Høgt og Vilt
Mo og Jølster vgs, gardsutsal
Lomelde
Gloppen Produsentlag
Påldtun
Hageselskapet i Gloppen
Mor Villrose
Merethe Søgnen Lyslo
Kjøtt og kjøttprodukt
Fjord Gardsmat
Jevnlidgården
Kandal Kjøtt
Kandalteltet Løvland Gard
Nyheim Gard
Vanberg Gard
Sølvane Gard
Nes Gard
Reksta Sau
Gloppen Hotell
Matamål
Fisk, skalldyr og fiskeprodukt
Kystkulturlaget i Vågsøy
Frøysagarden
Elin Stølen
Kandal Fisk (stand Kandalsteltet)
Bakst og bakevarer
Mor Sigfrids Bakst
Gloppen Bygdekvinnelag
Vaffleriet
Jølster Bakst
Fjellestad Gardkjøken
Nordfjordbåtlaget
Matstova Hjemmebakeri
Vestrøna
Ost
Selseng Gardsysteri
Tine Ambassadører
Italenske produkter
Diverse
Ryssdal Vaktel
Støylen Egg
Sognefjord Kaffibrenneri
Sandane Thaimat
Oliven
Amporn Evebø
Landbruk / Open Gard
Gloppen Bondelag
Sogn og Fjordane Bondelag
Stall Rygg
Eik Senteret
Fløtre Maskin
Felleskjøpet
Olav Bjørn Tystad
Barnas Matamål
Svanøy Røykeri
Lamella – is
/av

I helga som kjem bør du nyte maten ute

Det er oppfordringa frå Matamålfestivalen. I år etter år har festivalen skapt liv, røre og matglede på Sandane. Veka som kjem er inget unntak, og laurdag 29. september vert det på nytt yrande lokalmatmarknad, open gard med dyr og aktivitetar for store og små på Heraldsplassen.

– Matamål har blitt eit utruleg populært arrangement. I fjor sette vi ny rekord med besøkande og vi håpar at det også i år er mange som tek turen innom for å kose seg saman med familie og venner, seier Ingvill Hestenes som er med å arrangere Matamål. 

Matfestivalen tjuvstarta allereie forrige veke med Smakskveld hos Piknikkkurven som også stiller på stand under Torgdagen laurdag 29. september. Då tek dei over torget saman med over 40 andre spennande utstillarar av frukt og grønt, kjøtt, fisk, skaldyr, bakst og bakevarer, ost og diverse.

– Også i år har vi eit breitt utval av utstillarar og aktivitetar for både store og små. Så dette vert eit supert arrangement for heile familien. Borna kan spesielt glede seg til open gard med dyr, smed og hovslagar, hesteriding med Stall Rygg,  farmenkonkurransar og Barnas Matamål, fortel Hestenes.

Hybelmat og lokalmatgilde

Matamål arrangerer også kurs for studentar som vil lære seg å lage god og sunn hybelmat. Kjøkkensjef frå Gloppen Hotell, Bodil Fjellestad Eikrem, har regien. Kurset skulle eigentleg arrangerast onsdag 26. september, men er utsett til etter haustferien onsdag 17. oktober. 

– Dette kurset har berre 20 plassar og vert alltid fullbooka, så her må ein berre hive seg på medan ein kan, oppmodar Hestenes.

Lokalmatgilde i Kjellaren til Gloppen Hotell laurdagskveld har óg avgrensa med plassar, men har framleis billettar ute for sal for dei som vil vere med. Her vert det dekka på langbord med kaggar og lokal mat frå Gloppen, lammelår og skankar.

– Etter middagen spelar trioen Vi3 opp til dans med irske låtar, dans- og festmusikk. Så her vert det god stemning, lovar Hestenes.  

– Dei som vil vere med kan velje mellom å ta den heilt ut med heilaftens-middag og live musikk eller berre tinge billett til sjølve dansen, informerer ho.

Nytt i år

Laurdag 29. september blir det Inspirasjonsmøte for serveringsverksemder i Nordfjord på programmet. Nytt i år er også Trivselsskogen – Mat i Naturen som vert arrangert på søndag 30. september, og opning av Trygg i Naturen ved generalsekretær i Den Norske Turistforening Nils Øverås.

– Vi vil gjerne invitere alle som vil til å bli med oss å nyte maten ute i naturen på søndag. Då tek vi i bruk det nye og flotte gapahukområde som vi har fått i Trivselsskogen og lagar mat over open eld.

 

Heile programmet til Matamål finn du her

 

/av

Desse kjem på Torgdagen laurdag 29. september

Lokalmat Matamål

Det nærmar seg Matamål 2018 og vi har endeleg klar ei liste over utstillarar som skal vere med på Tordagen laurdag 29. september kl. 10-16. Tradisjon tru vert Sandane sentrum forvandla til eit yrande matmarknad denne dagen med mange spennande smakar og aktivitetar. Lista vår har mange kjende og kjære, så vel som nye utstillarar. Det gleder oss å sjå at her er mange som er med år etter år, og vi håpar at lista vil fortsette å vekse fram mot Torgdagen. 

Påmelde så langt:

Frukt og Grønt

  • Gardsbrenneriet (most, grønsaker) 
  • Høgt og Vilt (te, krydder, urter)
  • Mo og Jølster vgs, gardsutsal (grønsaker, poteter)
  • JUV (sylte, saft, hermetiserte bær)
  • Sunnfjord Naturmat (pesto, chutney m.m. Alt hausta i naturen)
  • Gloppen Produsentlag (frukt og poteter)
  • Påldtun Frukt og Bær (drikkeklar saft, syltetøy, gelear, hermetisk frukt, sirup, handmat av dessert)
  • Hageselskapet i Gloppen (smaksprøver frå hagen)

Kjøtt og kjøttprodukt 

  • Fjord Gardsmat (pølser, burgerkjøtt)
  • Jevnlidgården (spekepølse, kjøttbolar, julepølse)
  • Kandal Kjøtt (kjøttprodukt av geit og kje)
  • Kandalteltet med Neretunet, Løvland Gard, Nyheim Gard, Vanberg Gard, Sølvane Gard og Nes Gard (ferskkjøtt, spekemat, varmmat, skinn)
  • Norges Mat (pølser)
  • Gloppen Hotell (karbonader, pålegg)
  • Matamål (sal middag, sosekjøtt med råvarer frå Nordfjord kjøtt og vatn frå Oldenvatn)

Fisk, skalldyr og fiskeprodukt

  • Kystkulturlaget i Vågsøy (tørrsild)
  • Svanøy Laks (kaldrøykt- og varmrøykt laks)
  • Båten Iris (sal av sjøkreps)
  • Frøysagarden (røykelaks)
  • Nordfjordbåtlaget (kokte krabber, fiskesuppe, svele, saft og kaffi)

Bakst og bakevarer 

  • Mor Sigfrids Bakst (natronkaker, lefse og gombe)
  • Gloppen Bygdekvinnelag (kakebord)
  • Håjen (lefse, flatbrød, natronkaker, fiskebrød)
  • Natronkaker Kårstad (natronkaker)
  • Ferske Smakar (kaker og konditorivarer)
  • Vaffleriet (minipannekaker og sirupsvafler)
  • Fjellestad Gardskjøken (lefse, gombe, dravle, rømegraut, skvettebørd (fiskelefse))

Ost

  • Selseng Gardsysteri (salatost, brun geitost)
  • Tine Ambassadører (smaksprøver ost)

Diverse 

  • Ryssdal Vaktel (vaktelegg)
  • Støylen Egg (økologiske egg)
  • Barnas Matamål (matsal og aktivitetar for store og små)
  • Piknikkurven (nettbutikk med utsal på Sandane)
  • Italienske produkter
  • Amporn Evebø (thaimat)
  • Tokki Thai Mat (thaimat)
  • Sandane Thaimat (thaimat)
  • Branson (traktor)
  • Eik Senteret Førde (traktor)
  • Tystad.no (sal, sørvis og reperasjon – utstyr for skog, heim og hage)
  • Gloppen Bondelag (medarrangør)
  • Sogn og Fjordane Bondelag (medarrangør)
  • Visit Nordfjord
  • Gloppen SV
  • Gloppen SP
Følg med på kva som skjer!

Vi oppdaterer lista etter kvart som vi får fleire påmelde. Om du vil følgje med på kva som skjer på Matamålfestivalen, så finn du oss på Facebook!

Ynskjer du å stille ut på Matamål?

Meld deg på her

 

/av

Takk for tidenes beste Matamål

Tusen takk til publikum, produsentane og sponsorane våre, og til alle andre som har vore med på å gjere årets festival til tidenes beste Matamål. Utan at de stiller opp og viser de engasjementet de har for lokal mat og drikke hadde det ikkje vore mogleg å arrangere ein slik fantastisk festival år etter år.

I år hadde vi mange spennande arrangement på programmet, og det har vore utruleg kjekt å sjå publikumsdeltakarane våre lære seg nye matkunstar og utforske nye smakar gjennom kursa våre, matquiz, chefsdinner og Torgdagen.

Mat er eit viktig samlingspunkt for mange, også for oss i Matamål. På torgdagen klarte vi å samle fleire produsentar enn nokon sinne. Til glede for mange av dei som kom innom for å smake og handle. Saman forvandla vi Sandane sentrum til ein yrande lokalmatmarknad, og det var mange glade fjes å sjå i Farmen-området med alle dei kjekke aktivitetane som føregjekk der.

Vi har fått mange varme tilbakemeldingar frå dei som deltok, både produsentar og publikum. Produsentane har meldt om godt sal og alle seier at dei vil komme tilbake neste år! Det er dette som er drivkrafta som vi tek oss med vidare. Vi vil skape matopplevingar som samlar oss til nye Matamål!

Nok ein gong ein stor takk!

Vi sjåast på Matamål 2018!

Mvh
Sigmund Vereide
Festivalansvarleg

P.S

Her kan du sjå alle dei flotte bilda frå Torgdagen. 

/av

Den største Torgdagen nokosinne

Det er under ei veke igjen til Matamålfestivalen tek over Sandane og allereie klart at Torgdagen 30. september blir den største nokosinne med over 50 utstillarar.

– 6 av desse er med på festivalen for første gang, og det er utruleg kjekt å sjå at Matamål held fram med å vekse seg større, fortel festivalansvarleg Sigmund Vereide.

Dei nye produsentane som stiller er Abbel med tradisjonsmat av kjøt og fisk frå Davik, Selseng Gardsysteri med ekte brun geitost og salatost, Sølvane Gard med geitekjøtt, kjekjøtt og skinn, Krokstad Gardsmat med heimelaga ost og pølser, Maya AS, også kjent som Oliven, og Frøysagarden med cognacmarinert gravlaks, varmrøykt krydderlaks, einerøykt laks, villakssider, seilaks, og sennepssaus. Ei full oversikt over alle dei andre utstillarane finn du på eventsida til Torgdagen.

Tradisjon med noko nytt og spennande

Torgdagen er eit fast innslag på programmet til Matamål med ein yrande lokalmatmarknad på Heradsplassen midt i Sandane sentrum. I år er den på laurdag den 30. september frå kl. 10-16. Her finn ein også farmen-området med gardsdyr, ein ekte smed i arbeid og leik og moro for store og små. Publikum får mellom anna sjansen til å delta i melkespannhalding, øksekasting og skoing av hest, og det blir ordførar-duell mellom Leidulf Gloppestad (Gloppen) og ordførar Alfred Bjørlo (Eid) som møtast til tvekamp i kunnskap.

– Festivalen er variert og tilpassa heile familien. Vi held på dei tradisjonane som vi ser fungerer godt over tid, men samstundes er det også viktig at vi fornyar oss. Det som er nytt og spennande i år er mellom anna Rakfiskkurset og Matquizen, seier Vereide engasjert.

Sjå også: Program Matamål 2017

Lærerike kurs og mange smaksopplevingar

Matamålfestivalen går over 4 dagar frå onsdag 27. oktober t.o.m laurdag 30. september. I tillegg til arrangementa som allereie er nemnde kan ein vere med på kurs i korleis lage billig, god og sunn mat, kurs i finpartering av sau/hjort, smak og lær om fermentert mat hos Piknikkurven.no, og på laurdagskvelden inviterer Gloppen Hotell til Chefs dinner og 6 rettars med vin og god drikke i stovene. Og forventingane til festivalen er store.

– Eg vonar at publikumsoppslutninga blir stor og ynskjer alle produsentane eit god sal når dei riggar seg klar for publikum 30. september. Elles er det mange smaksopplevingar som ventar og eg trur dette blir ein matfest vi seint vil gløyme, smiler Vereide.

Blir du med på festen?

Vis gjerne at du blir med på den store matfesten ved å gå inn på eventen vår på Facebook, og del den gjerne med venner og familie som du veit vil ha glede av å vere med. Vi sjåast på Matamål!

/av

Vil gjenta suksessen frå i fjor

På Matamålfestivalen er det Vg2-elevane frå Landbruk og gartnarnæring på Mo og Øyrane vidaregåande skule som står for grønsakssalet. 

– Vi har stortsett vore med i alle åra Matamålfestivalen har pågått. Det er berre nokre få unntak der vi ikkje har vore med, og elevane synest at det er veldig kjekt å vere med, fortel Nils Jørgen Helgheim, som er lærar i Planteproduksjon.

Han reiser saman med elevane til Torgdagen. I faget hans lærer dei å dyrke ulike grønsaker frå såing, planting , gjødsling, hausting og sortering.

 

Eiga elevbedrift

– På Torgdagen får elevane erfare korleis det er møte kundar og selje det som dei har dyrka, seier Helgheim.

Det er elevane sjølv som tenar pengane frå salet som går til elevbedrifta deira. Overskotet frå Matamål utgjer inntekt til elevbedrifta til klassen. Bedrifta har enno ikkje noko namn, men det kjem til hausten når semesteret er i gang. Pengane dei tener vil mest sannsynleg vere med på å dekke skuletur, og elevane fordeler fortenesta frå salet  basert på innsatsen som dei legg ned. I forkant av festivalen skal dei hauste inn grønsaker av alle slag som dei tek med seg til Torgdagen.

– Vi har med alt frå blomkål, brokkoli, gulrot, kål, løk, purre og potet, forklarar Helgheim.

 

Stor suksess i fjor

I fjor hadde skulen ein knallsuksess på Torgdagen. Alt av grønt vart utseld. Ikkje ei gulrot låg att.

– Vi håpar på eit like bra resultat i år. No må vi berre krysse fingrane for at vêret gir oss mykje å hauste. Om vi er heldige, så får vi med oss eit rikhaldig utval av ulike typar grønt. Vi får også håpe at vi er heldige med vêret under sjølve festivalen, for det spelar inn på mange vis, seier han.

– Men uansett vêr og vind, kvifor bør folk ta turen til Matamål og standen dykkar?

 – Her får de kortreist mat som er relativt lokalt dyrka då grønsakene ikkje kjem lengre enn frå Førde. Grønsakene er også hausta berre nokre dagar før sjølve festivalen. Så her er ein sikra heilt ferske grønsaker med god kvalitet og gode smakar.

 

Les også: Signes Raspeball stiller med Norges beste raspeballar

 

Har du lyst til å delta som utstillar? 

Har du god mat/drikke du vil selje på ein av Vestlandet sine beste matmarknader? Meld deg på til Torgdagen 30. september.

 

 

 

/av

Signes Raspeball stiller med Norges beste raspeballar

Påmeldingane til Torgdagen laurdag den 30. september har begynt å tikke inn og vi har gleda av meddele at blant dei finn du Signes Raspeball som kjem tilbake som utstillar på Matamål med Norges beste raspeballar.

– Matamål har vert ein veldig kjekk og innhaldsrik oppleving dei to åra eg har vore med. Her er det masse folk, god stemning og mange gode utstillerar, fortel Signe Nydal.

Signe starta det som vi i dag kjenner som Signes Raspeball saman med mannen sin Gunnar på 90-tallet under namnet Sunnfjord Konservering. Etter å ha jobba på skobutikk i mange år fann ho ut at ho ville starte sitt eige firma og ikkje lenger jobbe for andre. Bedrifta har frå starten av vore eit familiefirma som har satsa på tradisjonsrike raspeballar og har blitt eit kjært og velkjend produkt her til lands. I april i år fekk dei tildelt Spesialitetsmerke, og dei er dei einaste raspeballane i Norge som har blitt pryda med dette stempelet. I 2015 var dei også med på Matkontrollen på TV2 der dei vant tevlinga om tittelen: Norges Beste Raspeball.  

Nær og kjend matrett

– At det var raspeballar som vart satsinga kjem nok av at eg har vokse opp med raspeballar frå eg var ei lita jente og mora mi var veldig dyktig på kjøkkenet. Raspeballar har alltid vore ein nær og kjend matrett i vår familie. Så eg har vore utruleg heldig som får jobbe med det i vaksen alder. Eg har også vore veldig heldig med at eg har hatt med meg mange flinke folk heile vegen som har hjelpt meg med å få til eit så godt og kjend produkt, smiler Signe.

For suksessen kjem ikkje utan den enorme, lange og beinharde innsatsen som både ho sjølv, familie og gode vener har lagt ned i bedrifta.

– Vi er utruleg stolte over at vi har jobb til 5 årsverk året rundt, og for at vi skal kunne drive slik vi gjer i dag så er vi avhengig av å ha slike trufaste og gode kundar som vi har på hand i dag, seier Signe.

100 tonn raspeballar i året

Pr. i dag lagar Signes Raspeball omtrent 100 tonn raspeballar i året for hand. Dei får hjelp av maskiner til å lage deiga, men sjølve raspeballane er laga for hand, nett som om dei er heimelaga og frå ditt eige kjøkken understrekar Signe.

I tillegg til å lage Norges beste raspeballar, lagar dei Førdes beste heimelaga betasuppe til ulike typar arrangement. Dei held til vanleg til i Førde, men den 30. september kjem dei altså innom Torgdagen på Matamål Festivalen.

– Då har vi med oss handlaga raspeballer M/flesk og U/flesk. Det er dei to variantane folk frå Vestlandet kjenner mest til og er godt vande med. Det skal lukte raspeballar og pinnekjøtt i frå kjelane våre når vi står på standen vår på Matamål den dagen, lovar Signe.

Kanskje konkurranse?

I tillegg til å kunne lukte og smake på Norges beste raspeballar, kvifor meiner du at folk bør ta turen til Matamål Festivalen i år?

– Folk burde ta turen til Matamål av den enkle grunn at det er enormt mange gode og lokale produkt som står på utstilling. Vi skal vise oss frå vår beste side og håpar at folk får ei god og positiv oppleving når dei har vore innom vår stand. Vi skal ha med oss flotte reklamer som vi skal dele ut til dei som har lyst på, og kanskje køyrer vi på med ein konkurranse som varer heile dagen, smiler ho lurt.

Følg Matamål på Facebook

På Facebook-sida vår kjem vi med oppdateringar om Årets Matamål Festival og eige festivalprogram når det er klart. Om du følger med får du også kanskje vite kva Signe Raspeball sin konkurranse går ut på. Følg oss her!

/av

Invitasjon til stand på Torgdagen laurdag 30. september

Matamålfestivalen er den største og beste marknadsplassen for sal av lokalmat mellom Trondheim og Bergen! Tilbakemeldingane frå standane om salet i fjor var gode, og vi har eit trufast publikum som kjem på Torgdagen for å kose seg og handle mykje god mat.

Torgdagen er som tidlegare på Heradsplassen i Sandane sentrum. Under Torgdagen laurdag 30. september vert det også ei rekkje aktivitetar i området, matservering, besøksgard for born og auksjon for å nemne nokre.

I grunnprisen for stand i år, følger det med ein annonseplass i messeavisa samt profilering av bedrifta dykkar på FB og heimeside. Meir detaljert info om dette kjem seinare!

Derfor er grunnleiga høgre i år, men ingen auke på tilleggstenestene.

Prisar eks. mva:

Standplass  kr 1200,-  (ved påmelding innan 21.  mai, etter kr. 1400.)

Telt 3x3m                                                      kr. 350,-

Standbord 182x74x74                                    kr. 250,-

Stol                                                                 kr.   50,-

Straum 1, 1 stk. 10 amp                                 kr  100,-

Straum 2, 1 stk. 16 amp                                 kr. 200,-

Straum 3, 2 stk. 16 amp og meir                    kr. 400,-

 

Bil/kjølebil m/utsal e.l. etter avtale

 

Påmelding innan 21. mai, då får vi god tid til å planlegge 🙂 

 

Velkomen til den 8. Matamålfestivalen 🙂

 

Følg oss på www.matamål.no og Matamål – matfestivalen i Sogn og Fjordane på facebook 🙂

 

Mvh Sigmund Vereide

Festivalsjef  Matamål/Agro Business Park SA

/av

Program for Matamål klart

Åmotglamping2016_005

Matamål festivalen 2016 nærmar seg med stormskritt. Endeleg er programmet klart og vi gler oss til å sjå både nye og kjente fjes i Sandane sentrum 21 – 25.september.

Vi har i år mykje spennande som skal skje og som du skal få smake på. Torgdagen blir fylt med masse god lokalmat og drikke, frå både nye og gamle produsentar. Det blir fest på Gloppen Hotell og hybelstudentane kan lære seg å lage god, billig og sunn mat av kjøkkensjef Bodil Fjellestad Eikrem. Frukt og eplepressing, pub og konkurranse er ein av dei opplevingane du kan få under årets Matamål – vi gler oss til å sjå deg der!

Sjå program for Matamål her.

/av